المساعد الشخصي الرقمي

مشاهدة النسخة كاملة : يمين .. شمال

سام
17-12-2005, 12:23 PM
يمينx شمال
يمين..شمال..
وكرسى فوقه..
بدلة حمره لبسونى..
وف ضحكهم تاهت..
دمعة عيونى..
و بالسلامة..
سكة اللى يروح..
أنا قلت أغنى..
مهو الغنا ده حته منى..
لحنى هوايا..
ومحلا الغنا ساعة تمنى.
وما كنتش أعرف إن الحلال..
مالهوش حلال..
وفرحتى مالهاش مجال..
وخطوتى لازم تتوه..
يمين..شمال..
ردى القلم..
خدى مداس..
وعرفينى..
أنا أصلى مش عارف..
لفين خدنى حنينى..
وحطى كلمة لا جوه كفن..
وزوقيه بكام وردة ترد الروح..
وقولى زيهم..
سكة اللى يروح..
وتعبت نفسك ليه..
وفى الطريق..
لقيتنى تايه..
يمين..شمال..
أنا زى أخوك..
لكن أنا ما أعرفش أكدب..
ملعون أبوك..
كنت نبى..
ولا إنت مكشوف الحجاب..
شفت أنا إزاى مؤدب..
و أنت كده إزاى فتنى..
يمين..شمال..
لا ما تلوميش..
أنا أصلى عايز أبيع يقينى..
وأفضى جيبى..
من كل زكرى..
راح تبكى ف لحظة عينى..
ملعون يقينى..
ملعون إيمانى..
لو آمنت ف لحظة بيكى..
ملعون لسانى..
اللى قال يوم مشتريكى..
ملعونة خطوة..
يوم مشيتها بشوق إليكى..
ملعونة لحظة..
يوم خدتنى حلمت بيكى..
لا ما تلوميش..
لودمع عينك يبقى بحر..
لو كف إيدك يبقى سحر..
مش راح يرجع شوقى ليكى..
مين قال يا عمرى..
اللى مات بيهمه عمره..
ما يهمنيش غيرى أنا..
وكلمة نهاية..
وللأسف..
لاهى ثلاثية أو مسرحية..
فصلها الفصل الأخير..
وف النهاية..
مفيش مجال للإحتمال..
وأنا ف الطريق..
يمين..شمال..
ADMIN
18-12-2005, 03:48 PM
يعطيك العافيه اخوي ولا تحرمنا من الكلمات الرائعه *)_^
ابتسامة قهر
18-12-2005, 10:25 PM
ملعون لسانى..
اللى قال يوم مشتريكى..
ملعونة خطوة..
يوم مشيتها بشوق إليكى..
ملعونة لحظة..
يوم خدتنى حلمت بيكى..



بصراحه اكثر الكلمات اللي شدتني
هذي
مشكور اخوي واصل ابداعك
Guest 3
20-12-2005, 06:11 PM
مشكوور عالكلام الحلوو

أخوك ترووي
~ همس الليل ~
22-12-2005, 09:05 AM
الف شكر عالكلمات الجميلة
وصح لسانكـ ^_^


تحياتي
همس الليل